Кеча — 4 феврал куни Суперлиганинг янги мавсумига қуръа ташланди. Бугун эса биринчи давра беллашувлари саналари аниқ бўлди.
"Навбаҳор" ва "Насаф" 1 март куни мавсумни бошлаб беради. Боиси улар 4-5 март кунлари Чемпионлар лигасининг чорак финалида майдонга тушиши мумкин. Бунинг учун ҳар икки клуб феврал ойида бўлиб ўтадиган босқичдан омон ўтиши талаб этилади.
Лига ўз-ўзидан трансляция ва ВАР техникаси имкониятларини инобатга олди. Бир вақтда бир шаҳарда икки учрашув бўлмаслиги таъминланди. Бироқ ВАР билан боғлиқ ҳолат 1-турда айрим ноқулайликлар келтириб чиқариши мумкин. Сабаби ОФК Чемпионлар лигаси беллашуви учун бизнинг техникадан фойдаланиши катта эҳтимол.
Шунингдек, апрель ойида Ўзбекистон U23 терма жамоаси Париж Олимпиадасига саралаш босқичи ролини ҳам ўйнайдиган Осиё кубогида иштирок этади. Бу эса 5-турдан ўрин олган "Металлург" — "Олимпик" учрашуви қолдирилишига сабаб бўлиши мумкин. Қолган жамоалар эса "Суперлига ва Про лига регламенти"нинг тегишли пунктларидан келиб чиқиб, тақвимга у ёки бу ўзгариш киритишни сўраб мурожаат қилишга ҳақли.
СУПЕРЛИГА, 1-ТУР
1 март, жума
"НАВБАҲОР" — "ДИНАМО"
"НАСАФ" — "ОЛИМПИК"
2 март, шанба
"БУНЁДКОР" — "ҚИЗИЛҚУМ"
"СЎҒДИЁНА" — "НЕФТЧИ"
3 март, якшанба
ОКМК — "АНДИЖОН"
"ЛОКОМОТИВ" — "МЕТАЛЛУРГ"
4 март, душанба
"СУРХОН" — "ПАХТАКОР"
