"Челси" раҳбарлари бош мураббий Маурисио Почеттинонинг ишдан бўшатилиши клубни молиявий фэйр-плей қоидаларини бузиш ёқасига қўйишидан хавотирда.
Ўтган якшанба куни "Челси" ўз уйида "Вулверхэмптон"га 2:4 ҳисобида мағлуб бўлганидан сўнг, "Челси" Премьер-лига жадвалининг пастки қисмига тушиб кетди ва матбуотда Почеттинонинг ишдан бўшатилиши ҳақида тахминлар пайдо бўлди.
Бироқ "Челси" раҳбарияти аргентиналик мураббий тақдирини белгилар экан, ўз клубидаги молиявий аҳволни ҳисобга олмай қолиши мумкин эмас.
Почеттинонинг шартномаси тугашига яна бир ярим йил бор ва Маурисио ва унинг ёрдамчиларини ишдан бўшатиш "Челси"га 10 миллион фунт стерлингдан ошади.
Ўтган мавсумнинг ўзида "Челси" ишдан бўшатилган Томас Тухель ва Грэм Поттернинг товон пули учун мос равишда 10 миллион фунт ва 13 миллион фунт сарфлади.
Агар "Челси" Почеттино билан хайрлашиш учун нақд пул ажратса, "кўклар" уч йил давомида 105 миллион фунт стерлинг миқдоридаги йўқотиш чегарасидан ошиб кетиш хавфи остида қоладилар, дея хабар беради Daily Mail нашри.
Бундай ҳолда, бу "Челси" учун Премьер-лигадаги очколарни олиб ташлаш билан боғлиқ бўлади - жорий мавсум бошида "Эвертон" молиявий фэйр-плей қоидаларини бузгани учун 10 очко йўқотди.
