Дортмунднинг "Боруссия" клуби ўнг қанот ҳимоячиси Тома Менье яқин келажакда немис жамоасини тарк этади. Эслатиб ўтамиз, бельгиялик футболчининг "бамблар" билан амалдаги шартномаси мавсум охирида якунига етади.
Журналист Фабрицио Романонинг хабарига кўра, 32 ёшли ҳимоячи тез орада Туркиянинг "Трабзонспор" клуби билан шартнома имзолайди. Манбага кўра, кеча барча томонлар ўртасида келишувга эришилган.