"Орландо Сити" ҳужумчи Луис Муриэль трансфери учун "Аталанта"га 1 миллион евро тўлайди.
32 ёшли колумбиялик футболчи Америка клуби билан 3 йиллик шартнома имзолайди. Клублар келишувнинг барча тафсилотларини ҳал қилиб бўлишган.
Муриэль "Аталанта"да 2019 йилнинг июлидан буён ўйнамоқда. 2023/24 йилги мавсумда форвард жамоаси сафида барча мусобақаларда 25 та ўйинда майдонга тушиб, 6 та гол урди ва 1 та голли узатмани амалга оширди.
Transfermarkt.com портали футболчининг нархини 3,5 миллион еврога баҳолаган.