Италиялик ҳужумчи Марио Балотелли январда ватанига қайтиши мумкин бўлганини тан олди. Туркиянинг "Адана Демирспор" клубида ўйнаётган 33 ёшли футболчига "Салернитана" қизиқиш билдирган, бироқ трансфер амалга ошмаган.
"Салернитана" қизиқди, лекин ҳақиқий таклиф менга сўнгги дақиқада тушди, шунинг учун мен Туркияда қолдим. Ишлар ёмон кетаётган эди. Мен у ерга кўчиб ўтган бўлардим, лекин музокаралар чўзилиб кетди. Ўйлайманки, агар клуб сизни жиддий қабул қилса, унда ҳаммасини бир кунда ҳал қилиш мумкин", - дейди Балотелли.