"Аталанта" ярим ҳимоячиси Тён Копмейнерсга Европанинг топ клублари қизиқиш билдирмоқда. Италия ОАВлари бир неча бор ёзганидек, "Ювентус" аллақачон футболчини келаётган ёз учун асосий трансфер мақсадларидан бири сифатида белгилаган.
Бу маълумотни таниқли инсайдер Николо Шкира ҳам тасдиқлади ва у 25 ёшли ярим ҳимоячига Англияда ҳам талаб борлигини қўшимча қилди. Унга "Манчестер Юнайтед" қизиқмоқда.
Transfermarkt портали футболчининг нархини 40 миллион еврога баҳоламоқда. Футболчи Бергамо жамоаси сафида барча турнирларда 104 ўйинда 21 гол урган ва 12 голга ассистентлик қилган.
