"Atalanta" yarim himoyachisi Tyon Kopmeynersga Yevropaning top klublari qiziqish bildirmoqda. Italiya OAVlari bir necha bor yozganidek, "Yuventus" allaqachon futbolchini kelayotgan yoz uchun asosiy transfer maqsadlaridan biri sifatida belgilagan.
Bu ma’lumotni taniqli insayder Nikolo Shkira ham tasdiqladi va u 25 yoshli yarim himoyachiga Angliyada ham talab borligini qo‘shimcha qildi. Unga "Manchester Yunayted" qiziqmoqda.
Transfermarkt portali futbolchining narxini 40 million yevroga baholamoqda. Futbolchi Bergamo jamoasi safida barcha turnirlarda 104 o‘yinda 21 gol urgan va 12 golga assistentlik qilgan.
