«Шўртан»нинг Тошкентдаги машғулотлари давом этмоқда. Футболчиларимиз кунига икки маҳалдан «НБУ-Осиё» клубига қарашли табиий майдонда машқ қилишмоқда. 14 февраль кунги машғулотларга яна бир янги футболчи келиб қўшилди. Бу – кўпчиликка яхши таниш бўлган ярим ҳимоячи Музаффар Умрзоқов.
Музаффар ҳозирча кўрикдан ўтмоқда. Унинг жамоада қолиш-қолмаслиги шу кунларда ҳал бўлади. Маълумот ўрнида шуни айтишимиз мумкин, Музаффар Умрзоқов 2004 йилнинг иккинчи даврасини «Шўртан»да ўтказиб, ўзининг чиройли ўйини ва голлари билан «оқ бўрилар»нинг олий лигага йўлланма олишида муҳим ҳисса қўшганди. Ушбу футболчи ўтган йилнинг биринчи даврасини «Локомотив» таркибида ўтказиб, олий лигада 4та учрашувда иштирок этди. Кейин эса оралиқ танаффусда «Қизилқум»га йўл олиб, иккинчи даврада 9 бор майдонга тушди.
Маълум муддат жамоа машғулотларида иштирок этган Тимур Айзатуловга эса жавоб бериб юборилди.