"Жирона" ярим ҳимоячиси Мигель Гутьеррес клубини ўзгартириши мумкин. Бу ҳақда Relevo хабар бермоқда. Манба берган хабарга кўра, 22 ёшли испаниялик футболчининг хизматларига "Бавария", "Арсенал", "Челси", "Тоттенхэм" ва "Манчестер Сити" клублари қизиқиш билдирмоқда.
Қайд этилишича,Гутьерреснинг собиқ жамоаси "Реал" футболчини саккиз миллион еврога сотиб олиш имкониятига эга.
Жорий мавсумда Гутьеррес барча турнирлар доирасида 27 та ўйинда иштирок этиб, битта гол урди ва 5 та голли узатмани амалга оширди.