Мадриднинг “Атлетико” клуби бош мураббийи Диего Симеоне Испания кубогининг биринчи ярим финалида “Атлетик”га қарши ўйиндаги мағлубият (0:1) ҳақида гапирди.

"Ўйлашимча, биз яхши ўйин ўтказдик, аммо кубок ўйинларидаги хатолар қимматга тушади. Биринчи бўлимда жуда яхши ишладик, иккинчи бўлимда эса ундан ҳам яхшироқ, кўп вақтимизни рақибнинг ярим майдонида ўтказдик. Биз гол уриш имкониятларини голга айлантира олмадик, лекин хавотир олманг, шундай бўлади.

Рақибда устунлик бор, энди улар ўз уйида, мухлислари қаршисида ўйнайди, аммо биз ғалаба қозониш учун қўлимиздан келганини қиламиз. Бу футбол, ​​ҳамма нарса бўлиши мумкин", - деди Симеоне Marca билан суҳбатда.

Жамоалар ўртасидаги жавоб ўйини 29 февраль куни бўлиб ўтади.

Ярим финалнинг бошқа баҳсида “Малорка” “Реал Соседад” билан дуранг ўйнади (0:0). Иккинчи ўйин 27 феврал куни Москва вақти билан 23:30 да бўлиб ўтади.