Ярим ҳимоячи Жошуа Киммих келаси ёзда “Бавария”ни тарк этиши мумкин. Шу сабабдан мюнхенликлар ҳозирда трансфер бозорини ўрганмоқда ва ярим ҳимоя позициясида ўйинчи қидирмоқда. Todofichajes хабарига кўра, Бундеслига гиганти "Реал Мадрид" футболчиси Орельен Тчуамени билан қизиқмоқда.
Манбага кўра, "Бавария" Тчуамени учун 100 миллион евро тўлашга тайёр. Мадриднинг “Реал” клуби Килиан Мбаппе билан шартномани ёпиш мақсадида бу пулдан фойдаланиши мумкин. Бироқ 24 ёшли Тчуаменининг ўзи "Реал"да қолишни истамоқда.
2023/2024 йилги мавсумда француз 23 та ўйин ўтказиб, иккита гол урди ва битта голли узатмани амалга оширди.