"Челси" ярим ҳимоячиси Конор Галлахер мавсумдаги илк голи ҳақида фикр билдирди.
Эслатиб ўтамиз, ярим ҳимоячи Aнглия кубоги доирасидаги “Aстон Вилла” билан ўйинда ҳисобни очган ва жамоасининг меҳмонда 3:1 ҳисобида ғалаба қозонишига ёрдам берганди.
“Ниҳоят, бу оғирлик елкамдан олиб ташланди. Менга гол уриш ёқади, мен кўпроқ гол уришни хоҳлайман. Мен учун ўзимни фарқлаш жуда муҳим эди.
Мавсумдаги биринчи голим бўлгани учун бу жуда муҳим лаҳза бўлди", - дея Галлахернинг сўзларини келтиради журналист Саймон Филлипс.
Галлахернинг "Челси" билан шартномаси тугашига бир ярим йил бор.
Томонлар ҳалигача янги келишув бўйича келиша олишмаяпти. Конор хизматларига Лондоннинг яна бир клуби «Тоттенхэм» қизиқмоқда.
