"Манчестер Юнайтед" билан хайрлашганидан сўнг эркин агент бўлган испаниялик дарвозабон Давид де Хеа фаолиятини Европадан ташқарида давом эттириши мумкин.
Журналистларнинг фикрича, тажрибали дарвозабоннинг Саудия Арабистони чемпионатида ўйнаш имконияти юқори. Де Хеа билан "Ан-Наср", "Ал-Ҳилол" ва "Ал-Шабаб" каби клублар алоқага чиққан. Томонлар музокаралар олиб бормоқда, аммо ҳали ҳам келишувдан йироқ.
Ўтган мавсумда 33 ёшли дарвозабон Англия чемпионатида 38 та ўйинда майдонга тушди. Давид 43 та гол ўтказиб юборди ва 18 та ўйинда дарвозаси дахлсизлигини сақлаб қолди.
