Лондоннинг “Тоттенхэм” клуби ҳимоячиси Ван де Вен Aнглия премьер-лигасида янги рекорд ўрнатди.
Бу ҳақда лига матбуот хизмати хабар берди. Рекорд 31 январь куни бўлиб ўтган "Тоттенхэм" - "Брентфорд" учрашувида қайд этилган. Нидерландиялик футболчи 37,38 км/соат тезликка эришди.
Aввалги рекорд “Манчестер Сити” ҳимоячиси Кайл Уокерга тегишли бўлиб, у “Эвертон”га қарши ўйинда 37,31 км/соат тезликка эришганди (2023-йил 14-май).
Шунингдек, кучли бешликдан “Лутон” вингери Чидозе Огбене (36,93 км/соат), “Вулверхэмптон” вингери Педро Нето (36,86 км/соат) ва “Ливерпуль” ярим ҳимоячиси Доминик Сзобослаи (36,76 км/соат) жой олган.