"Барселона" вингери Рафинья Диас ҳозирда раҳбариятнинг сотув учун асосий номзоди ҳисобланади.
Sport хабарига кўра, 27 ёшли бразилиялик келаси мавсумда жамоада қолиши учун яқин ойларда ўзининг энг яхши томонларини кўрсатиши кераклигини билади.
Манбанинг қайд этишича, Рафиньяга вазиятни тузатиш учун 4 ой муҳлат берилган. Бразилиялик футболчи бу ёзда уни сотмасликлари кераклигини раҳбариятга исботлаши керак.
Эслатиб ўтамиз, бундан бир ярим йил аввал “Барселона” раҳбарияти Рафинья учун “Лидс”га 58 миллион евро тўлаганди. Бразилиялик футболчига энди Aнглия премьер-лигасида талаб катта.
