Франция терма жамоаси ва Туриннинг "Ювентус" клубининг 28 ёшли ярим ҳимоячиси Адриен Рабьо фаолиятини Испания чемпионатида давом эттириши мумкин. Todofichajes нашри хабарига кўра, футболчининг хизматига "Атлетико Мадрид" қизиқмоқда.

Франциялик футболчининг хизматига "матрасчилар" устози Диего Симеоненинг шахсан ўзи қизиқмоқда. Рабьо ёзда жамоани тарк этиши мумкин бўлган Кокега муқобил сифатида кўрилмоқда. Мадридликлар Рабьони текинга қўлга киритишлари мумкин, чунки унинг "кекса синьора" билан шартномаси 2024 йилнинг июнь ойи охирида тугайди.

Transfermarkt портали Адриеннинг нархини 40 миллион еврога баҳоламоқда.