"Арсенал" скаутлари "Атлетик" вингери Нико Уильямсни кузатишмоқда.
Daily Mirror нашри хабарига кўра, қанот ҳужумчисини "Арсенал" бош мураббийи Микель Артета ёзги трансфер ойнасида ўз жамоасига олиб келишни ўйламоқда.
"Арсенал" "Вулверхэмптон" футболчиси Педру Нетуга узоқ вақтдан бери қизиқиш билдирмоқда, аммо Уильямс ҳам Лондон клубининг қисқа рўйхатида. Уильямс "Атлетик" билан декабрь ойида 2027 йилгача янги шартнома имзолаган.
Уильямс жорий мавсумда жуда ёрқин кўринди, Бильбао клуби бешинчи ўринда жойлашган Ла Лигада учта гол урди ва олтита голли узатмани амалга оширди.
"Арсенал" 21 ёшли испаниялик футболчини қўлга киритиш учун "Ливерпуль", "Астон Вилла" ва "Реал Мадрид" каби бошқа клублар билан рақобатлашаяпти.
