Opta суперкомпьютери Испания жамоаларининг жорий Ла Лигада ғалаба қозониш имкониятларини баҳолади.

Манбага кўра, чемпионликни қўлга киритиш учун энг катта имконият "Реал Мадрид"да (86,7%). Чемпионлик учун иккинчи даъвогар – “Жирона” (6,2 фоиз), “Атлетико” (5 фоиз), “Барселона” (2 фоиз) ва “Реал Сосьедад” (0,2 фоиз).

23-турдан кейин “Реал” 58 очко билан Испания чемпионати турнир жадвалида пешқадамлик қилмоқда. "Жирона" 56 очко билан иккинчи ўринда бормоқда.

Эртага, 10 февраль куни Ла Лиганинг 24-турида “Реал” ва “Жирона” ўзаро баҳс олиб боради. Учрашув Тошкент вақти билан 22:30 да бошланади.