Саудия Арабистони суверен жамғармаси (PIF) Италия чемпионатидан клуб сотиб олиш бўйича таклиф тайёрламоқда. Гап "Рома" ҳақида кетяпти – саудияликлар А Серия клубини 900 миллион еврога сотиб олмоқчи. Бу ҳақда La Repubblica нашри хабар бермоқда.
Айтиш жоизки, PIF Саудия Арабистонида тўртта йирик клубга эгалик қилади. Агар Европа ҳақида гапирадиган бўлсак, жамғарма Англиянинг "Ньюкасл" клубига эгалик қилади.
"Рома" айни дамда Италия чемпионати турнир жадвалида 5-ўринни эгаллаб турибди. Январь ойида Жозе Моуриньо "бўрилар" бош мураббийлигидан бўшатилди. "Рома" навбатдаги ўйинини 10 февраль куни ўз майдонида "Интер"га қарши ўтказади.