Ярим ҳимоячи Френки де Йонг "Барселона" билан шартномасини узайтиришга шошилмаяпти.

Кенг тарқалган хабарларга кўра, Каталония клуби ёзги трансфер ойнасида муносиб таклифлар тушса, қиммат ярим ҳимоячини сотиш имкониятини кўриб чиқишга тайёр. Шу билан бирга, журналист Фернандо Полонинг ёзишича, “Барселона” уч ой олдин де Йонгга шартномани 2029 йилгача узайтиришни таклиф қилган, бироқ футболчи ҳалигача жавоб бермаган.

Нидерландияликнинг "блауграна" билан амалдаги шартномаси 2026 йилнинг ўрталарига қадар тузилган. Агар миш-мишларга ишонадиган бўлсак, 26 ёшли футболчи клубини ўзгартириш имкониятини кўриб чиқмоқда, унга Англиянинг "Челси"си ва "Манчестер Юнайтед" клублари қизиқиш билдирмоқда.