"Манчестер Сити" бош мураббийи Пеп Гвардиола ярим ҳимоячи Жек Грилишнинг ўйин формаси ҳақидаги саволга жавоб берди.

28 ёшли англиялик бу мавсумда "шаҳарликлар" таркибида камдан-кам майдонга тушмоқда. Футболчи жорий мавсумдаги барча турнирларда 24 та ўйинда 3 та гол урди ва 2 та голли узатмани амалга оширди.

“Грилишдан нимани кутаман? У ўзи билади. Мен доим футболчиларимдан мамнунман, Жек ҳам бундан мустасно эмас. У ўзининг энг яхши формасига киришга ҳаракат қилмоқда. У ҳаммамизга муҳтож ва мен унга дақиқалар беришни интиқлик билан кутяпман.

Бу мавсум унинг учун аввалгидек омадли эмас. Ягона сабаб - кучли рақобатчилар”, - деди Гвардиола шанба куни “Эвертон”га қарши ўйин олдидан.