"Манчестер Сити" бош мураббийи Пеп Гвардиола жамоадан кетма-кет иккинчи треблни кутмасликка чақирди.
"Сити" сўнгги мавсумнинг иккинчи ярмини ажойиб тарзда ўтказди ва уни Премьер-лига, Англия кубоги ва Чемпионлар лигасида ғалаба билан якунлади. Испаниялик бошқарувчининг сўзларига кўра, бундай муваффақиятни такрорлашга ишониб бўлмайди:
"Бу эртак, дўстларим. Аввалига "Эвертон"ни мағлуб этишимиз керак. Мен 99,9% эҳтимол билан кетма-кет иккинчи треблни юта олмаймиз, деб айтардим, чунки ҳеч қачон, ҳеч қачон, ҳеч қайси жамоа буни уддалай олмаган", - дея Гвардиоланинг сўзларини келтиради City Xtra.
"Манчестер Сити" - "Эвертон" учрашуви шанба куни Тошкент вақти билан соат 17:30да бўлиб ўтади.
