Таниқли инсайдер Фабрицио Романо Антонио Контенинг "Барселона" бош мураббийи лавозимига тайинланиши мумкинлиги ҳақида гапирди.
Италиялик мутахассис ўтган йилнинг баҳоридан бери ишсиз, Каталония клуби тез орада мураббийини йўқотади - Хави Эрнандес мавсум охирида кетишини маълум қилди. Миш-мишларга кўра, Конте аллақачон "Барселона"да ишлашга тайёрлигини билдирган, бироқ Романо бу маълумотни рад этган. Инсайдернинг ёзишича, “Ювентус”, “Челси”, “Интер” ва “Тоттенхэм”нинг собиқ устози хизматлари Ла Лига гигантига таклиф қилинмаган.
"Милан" Антонио Конте учун асосий даъвогар саналади. Мутахассис шунингдек, "Ювентус", "Наполи" ва "Манчестер Юнайтед"нинг қизиқиш доирасида бўлиб турибди.
