"Жирона" ҳужумчиси Артём Довбик "Реал" қизиқишлари доирасига тушиб қолди. Realmadridexclusivo хабарига кўра, украиналик тўпурарга "қироллик" клуби раҳбари Флорентино Переснинг шахсан ўзи қизиқмоқда. "Лос-Бланкос" президенти Довбикнинг Ла Лиганинг 24-тури доирасидаги жамоаларнинг ўзаро ўйини вақтида диққат билан кузатиб боради.
Манбанинг қайд этишича, Мадриднинг топ-клуби “Жирона”нинг яна бир футболчисига қизиқиш билдирмоқда. Гап ҳужумкор ярим ҳимоячи Савио ҳақида кетмоқда.
Довбик жорий мавсумни "Жирона"да муваффақиятли ўтказмоқда. Ҳужумчи Испания чемпионатида 21 та ўйин ўтказиб, 14 та гол урди ва 5 та голли узатмани амалга оширди. Transfermarkt экспертлари украиналик футболчини 28 миллион еврога баҳоламоқда.