"Аталанта" бош мураббийи Жан Пьеро Гасперини жамоасида ижара асосида ўйнаётган белгиялик ярим ҳимоячи Шарл де Кетеларенинг иқтидорини юқори баҳолади.
Де Кетеларе 2022-йил ёзида Италия чемпионатига кўчиб ўтди, бироқ унинг биринчи мавсуми унга омад келтирмади ва натижада унга ўттиз миллион евродан ортиқ маблағ сарфлаган “Милан” уни ижарага беришга мажбур бўлди.
"Аслида у жуда яхши тайёргарлик кўрган. У истеъдодли, буни "Милан" бежиз пайқаган эмас. У 22 ёшда, профессионал ўсиш учун ҳали вақт ва жой бор.
Баъзан кутишга тўғри келади", - дея «Аталанта» мураббийининг сўзларини келтиради pianetamilan.it.
