"Манчестер Юнайтед" бош мураббийи Эрик тен Хаг "Астон Вилла"га қарши ўйинда нима учун Люк Шоу танаффусда алмаштирилганини айтди.
Премьер-лиганинг 24-туридан ўрин олган ўйинда чап қанот ҳимоячиси асосий таркибда майдонга тушди, бироқ биринчи бўлимдан сўнг у майдондаги ўрнини Виктор Линделёфга бўшатиб берди. Учрашув “қизил иблислар”нинг 2:1 ҳисобидаги ғалабаси билан якунланди.
“Бу эҳтиёт чораси. Шоу баъзи муаммолардан шикоят қилмоқда ва биз уни хавф остига қўя олмаймиз, чунки унинг жароҳатлари бор. Келинг, яқин кунларда ҳаммаси қандай бўлишини кўрамиз. Уни йўқотиш бизни кучлироқ қилмаслиги аниқ - ҳамма билади, менга чап қанот ва чап марказий ҳимояда чап оёқли ўйинчи керак", - дейди Тен Хаг.
