Анталияда ўқув-йиғин машғулотларини олиб бораётган ОКМК жамоаси 12 февраль куни иккинчи назорат учрашувида Латвиянинг «Валмиера» клубига қарши майдонда саф тортишади.
Ҳозирги кунда «Валмиера» клуби Латвия чемпионатининг энг кучли жамоаларидан бири ҳисобланади. Хусусан, сўнги йилларда ушбу клуб ички чемпионатда бир марта бронза ва бир бор кумуш медаллари соҳибига айланишган. Шунингдек, «Валмиера» клуби 2022 йилги мавсумда Латвия чемпионлигини қўлга киритган бўлса, ўтган мавсумда Латвия олий лигасининг топ-5 жамоалари қаторидан ўрин эгаллаган.
«Кончилар» ва «Валмиера» ўртасидаги баҳс Тошкент вақти билан соат 18:00да старт олади.
Ўртоқлик учрашуви
ОКМК ФК - «Валмиера»
12 февраль, душанба.
16:00 (Туркия вақти) | 18:00 (Тошкент вақти)
