"Ньюкасл" ярим ҳимоячиси Бруно Гимараэс жамоани тарк этиши мумкинлиги ҳақидаги саволга жавоб берди.
Европанинг турли топ-клублари бразилиялик юлдузга анчадан бери қизиқиш билдиришмоқда. 26 ёшли ярим ҳимоячи январь ойида "ПСЖ"га ўтиши мумкин эди, аммо "Ньюкасл" яна ўз етакчисини сақлаб қолди.
"Баъзида одамлар мен ҳақимда кўп гапиришади, лекин мен футболга бор эътибор қаратаман. Мен “Ньюкасл”да қўлимдан келганини қилиб, бахтли бўлмоқчиман. Баъзида одамларнинг кетишим ҳақида гапиришларини эшитишингиз мумкин, лекин бу ерда ҳамма нарса менга ёқади. Мен ҳеч қачон "Ньюкасл"дагидек мухлислар билан ишламаганман. Улар шунчаки ақл бовар қилмайдиган ва мен улар учун кўп меҳнат қиламан. Умид қиламанки, бу клубда иложи борича узоқроқ қоламан", - деб Гимараэс сўзларини келтирмоқда Goal.
