Мадриднинг “Реал” клуби бош мураббийи Карло Анчелотти жароҳати сабаб “қироллик клуби”нинг сўнгги ўйинларини ўтказиб юборган марказий ҳимоячи Антонио Рюдигернинг ҳолати ҳақида гапирди.
“Рюдигер? У янги жароҳат олмади, булар ҳали ҳам Антонионинг "Хетафе" билан ўйинда олган жароҳатининг оқибатлари. Рюдигер Чемпионлар лигасида "РБ Лейпциг"га қарши биринчи ўйинда аниқ майдонга тушмайди", - деди Анчелотти "Жирона" устидан қозонилган ғалабадан кейин (4:0) матбуот анжуманида.
Рюдигер жорий мавсумда 21 та ўйинда майдонга тушиб, 1 та гол урди. "Реал Мадрид" чемпионлик учун курашда энг яқин таъқибчисидан беш очко олдинда.
