"Реал"нинг ўнг қанот ҳимоячиси Дани Карвахаль Лионель Месси ва Криштиану Роналду ҳақида гапирди.
Испаниялик футболчи португалиялик форвардни "Лос Бланкос"даги биргаликдаги ўйинларидан билади, Месси эса кўп йиллар давомида унга рақиб "Барселона" шарафини ҳимоя қилган.
“Месси ёки Роналду? Мен уларни бир хил даражага кўраман. Ҳар иккиси ҳам сўзнинг барча маъносида "йиртқич ҳайвонлар", мен фақат биттасини танлай олмайман.
Менимча, улар бир-биридан жуда фарқ қилади: Месси тўп билан одатий, мукаммал муомала қиладиган, вазиятлар яратадиган, тўп ўйинларида қатнашадиган футболчи, Роналду - ҳужумларни якунлашда "йиртқич ҳайвон", жарима майдончасида катта таҳдид.
Агар улар биргаликда ўйнашса, бу ҳақиқий бомба бўларди", - дея Карвахалнинг сўзларини келтиради Barca Universal.
