Қозоғистон пойтахти Астана шаҳрида бокс бўйича ўтказилган "Тўртлар турнири" деб ном олган мусобақа якунига етди. Унда 4та давлат боксчилари иштирок этишди — Қозоғистон, Ўзбекистон, Озарбойжон ва Украина.
Мамлакатлар 10та вазн тоифасида ўзаро рингда баҳс олиб боришди. Хабарингиз бор, Ўзбекистон терма жамоаси дастлаб Украинани 8:2 ҳисобида мағлуб этиб, кейин худди шундай ҳисобда мезбонларга ютқазиб қўйганди. Мусобақанинг сўнгги куни эса Марс Қўчқоров шогирдлари Озарбойжонни мағлуб этишди — 8:2.
Натижада терма жамоамиз мусобақада мезбонлардан кейин 2-ўринни олди.
"Тўртлар турнири". Астана. «Даулет» спорт мажмуаси.
Биринчи кун
Ўзбекистон – Украина 8:2
Қозоғистон – Озарбойжон 9:1
Иккинчи кун
Қозоғистон – Ўзбекистон 8:2
Украина – Озарбойжон 5:5
Учинчи кун
Ўзбекистон – Озарбойжон 8:2
Қозоғистон – Украина 9:1
Якуний ҳолат: 1. Қозоғистон. 2. Ўзбекистон. 3-4. Озарбойжон, Украина
Мусобақа якунланганидан кейин Ўзбекистон терма жамоаси бош мураббийи Марс Қўчқоров ўз фикрлари билан ўртоқлашди.
"Шогирдларим намойиш қилган боксдан қониқиш ҳосил қилдим. Озарбойжон ва Украинани мағлуб этиб, Қозоғистонга ютқаздик. Мезбонларга қарши жангни дурангга эришишимиз, ҳеч бўлмаса ҳисоб 6:4 бўлиши керак эди. Шунга қарамай, айрим вазн тоифалари бўйича таркибимизда муаммолар бор. Айнан шунинг устида ишлаймиз ва таркибда рокировкаларни амалга оширамиз. Ушбу турнирдан кейин ўзгаришларни амалга ошираман. Менга Ҳасанбой Дўсматов (49 кг) ва Санжарбек Раҳмонов (64 кг) кўпроқ ёқди. Болалар яхши жанг қилишди", дея таъкидлаб ўтди.
Ўзбекистон терма жамоаси Астанадаги мусобақада қуйидаги таркибда иштирок этди:
49 кг. - Ҳасанбой ДЎСМАТОВ — Мамлакат чемпиони-2012
52 кг. - Жасур ЛАТИПОВ — ЖЧ-2011 бронза медали совриндори, Олимпиада-2012 иштирокчиси
52 кг. - Шаҳобиддин ЗОИРОВ — Ёшлар ўртасида Лондон халқаро мусобақаси ғолиби
56 кг. - Шаҳриёр ИСОҚОВ — Мамлакат чемпиони-2012
60 кг. - Фазлиддин ҒОИБНАЗАРОВ — Мамлакат чемпиони-2012, Олимпиада-2012 иштирокчиси
64 кг. - Санжарбек РАҲМОНОВ — Мамлакат чемпиони, Осиё чемпиони-2009
69 кг. - Ўктамжон РАҲМОНОВ — Мамлакат чемпиони-2012, Олимпиада-2012 иштирокчиси, Осиё ўйинлари-2012 вице-чемпиони, ўсмирлар ўртасида жаҳон чемпиони-2008
75 кг. - Шуҳрат АБДУЛЛАЕВ — Мамлакат чемпиони-2012, Осиё чемпиони-2012
81 кг. - Элшод РАСУЛОВ — Жаҳон вице-чемпиони-2009, Осиё ўйинлари ғолиби-2006, 2010, Олимпиада-2008 ва Олимпиада-2012 иштирокчиси
91 кг. - Рустам ТЎЛАГАНОВ — Мамлакат чемпиони-2012
+91 кг. - Сардор АБДУЛЛАЕВ — Ҳарбийлар ўртасида жаҳон чемпиони-2008, Осиё вице-чемпиони-2009
+91 кг. - Улуғбек МУБИНОВ — Мамлакат чемпиони-2012
