"Ювентус" бош мураббийи Массимилиано Аллегри Италия чемпионатининг 24-турида "Удинезе"дан учралган мағлубиятдан сўнг (0:1) жамоасининг жорий мавсумдаги асосий мақсади Чемпионлар лигасининг 2024/25 йилги мавсумида иштирок этиш ҳуқуқини қўлга киритиш эканлигини айтди.

“Бу қийин дам, биз учта ўйинда атиги бир очко қўлга киритдик. "Ювентус" олдига жуда муҳим мақсад - Чемпионлар лигаси. Келгуси йил Чемпионлар лигасида қатнашиш учун яна ғалаба қозонишни бошлашимиз керак. "Интер" билан курашиш истаги бизга мотивация берди, аммо "Интер" ажойиб мавсумни ўтказмоқда ва мақтовга лойиқ. Ҳозир жадвалга қарашнинг ҳожати йўқ, фақат Чемпионлар лигасига йўл олиш учун очко тўплашимиз керак. Мавсум бошида кутганимдан ҳам кўпроқ гол урдик", - дея Аллегрининг сўзларини келтиради Football Italia.