"Челси" ярим ҳимоячиси Энцо Фернандес жамоани тарк этиши мумкинлиги ҳақидаги миш-мишларни инкор қилди.
Аввалроқ, 23 ёшли аргентиналик Лондон жамоасининг натижаларидан ҳафсаласи пир бўлгани ва "Барселона"га ўтиш имкониятини кўриб чиқаётгани ҳақида маълумотлар пайдо бўлганди.
“Мен “Челси”да бахтлиман, биз кейинги мавсумда Чемпионлар лигасига йўл олишни истаймиз. Бу миш-мишлар қаердан чиққанини билмайман. Мен бу маълумотни бутунлай инкор этаман, бу сохта”, - дея Фернандеснинг сўзларини келтиради ESPN.
Энцо Фернандес 2023 йилнинг январидан буён "Челси"да ўйнамоқда. Футболчи 2023/24 йилги мавсумда лондонликлар сафида барча мусобақаларда 30 та ўйинда майдонга тушиб, 7 та гол урди ва 1 та голли узатмани амалга оширди.
