Испания терма жамоаси ва Мадриднинг "Реал" клуби собиқ дарвозабони Икер Касильяс "Барселона" футболчиси Ламин Ямал ва собиқ "кўк-анорранглилар" футболчиси Роналдиньони солиштирди.
"Ямалнинг қилган иши менга Роналдиньони эслатади. Унинг финтлари ва ҳаракатлари бразилиялик собиқ футболчига ўхшайди. Ламин келажакда уни клуб афсонасига айлантирадиган ишни қиляпти", - деди Касильяс Som I Serem FCB билан суҳбатда.
Ламин "Барселона" академиясининг тарбияланувчиси. У 2023 йилнинг ёзидан бери асосий жамоада ўйнамоқда. Жорий мавсумда ярим ҳимоячи “Барселона” сафида 33 та ўйин ўтказиб, 5 та гол ва 5 та голли узатмага муаллифлик қилган.
