Лондоннинг "Челси" клуби бош мураббийи Маурисио Почеттино Англия чемпионатининг 24-тури доирасидаги сафарда "Кристал Пэлас" устидан қозонилган ғалаба ҳақида гапирди. "Кўклар" 3:1 ҳисобида зафар қучди.
"Биринчи бўлимдан жуда норозимиз. Аммо танаффусдан кейин жамоа бошиданоқ бўлиши керак бўлган ўйинни кўрсатди. Биз ҳақли равишда ғалаба қозондик. Бу биз учун муҳим уч очко. Энди "Манчестер Сити" билан ўйинга тайёргарликни бошлаймиз. Бу биз учун жиддий синов бўлади", - деди Почеттино Football London билан суҳбатда.
"Манчестер Сити" – "Челси" учрашуви 17 февраль, шанба куни "Этиҳад" стадионида бўлиб ўтади.
