Каталониянинг "Барселона" клуби жорий мавсумда жамоада "Атлетико Мадрид"дан ижара асосида ўйнаётган ҳужумчи Жоау Феликс хизматларидан бош тортмоқчи эмас.
Инсайдер Жерар Ромеронинг сўзларига кўра, жамоа раҳбарияти молиявий муаммолар туфайли португалияликни келаётган ёзда сотиб олмоқчи эмас. Бироқ “Барселона” Жоаунинг ижара муддатини яна бир мавсумга узайтирмоқчи. "Атлетико" раҳбарияти бу фикрга қандай муносабатда эканлиги ҳозирча номаълум.
"Манчестер Сити"дан ижарага олинган Жоау Канселуга келсак, "Барселона" португалияликни ёзда 15-20 миллион еврога сотиб олишга тайёр.
