Мадриднинг “Реал” клуби бош мураббийи Карло Анчелотти “РБ Лейпциг”га қарши Чемпионлар лигаси 1/8 финал биринчи ўйини олдидан матбуот анжуманида иштирок этди.
Италиялик мутахассис Жуд Беллингем йўқлиги ҳақида гапирди - инглиз футболчиси Ла Лига доирасидаги "Жирона"га қарши сўнгги ўйинда тўпиғидан жароҳат олганди.
"Беллингемнинг йўқлиги? Браим Диас ва Хоселу ўйнаган пайтда Жудсиз қанча ютганимиз ҳақида ўйлашимиз керак.
Албатта, Жуд муҳим, аммо унинг йўқлиги бизга янада кўпроқ мотивация беради. Биз тайёрмиз, қатъиймиз", - деди Анчелотти журналистларга.
