Қозоғистон ёшлар терма жамоаси ноябрь ойида Ўзбекистон билан ўртоқлик учрашуви ўтказишни режалаштирмоқда. Бу ҳақда жамоа бош мураббийи Сергей Боровский "ПроСпорт" нашрига берган интервьюсида маълумот бериб ўтди.
"Олимпия терма жмоасига номзод бир неча нафар яхши футболчилар бор. Нима учун яхши натижалар ҳақида ўйламаслигимиз керак? Нима учун ЕВРО-2015 саралашининг кейинги босқичига чиқмаслигимиз лозим? Агар ўз олдимизга юқори мақсадларни қўйсак, унда ноябрь ойида 2та кучли рақиб билан ўртоқлик учрашувини ўтказишимиз лозим. Битта ўйин Ўзбекистон билан бўлса, иккинчи ё Европа, ёки Осиё жамоаси бўлиши керак. Хитой бўлиши ҳам мумкин", дейди бош мураббий.
Таъкидлаш лозим, Ўзбекистон ёшлар (U20) терма жамоаси июнь ойида Туркияда бўлиб ўтадиган жаҳон чемпионатида иштирок этади. Шундан кейин эса бу жамоа олимпия (U22) терма жамоасига айлантирилади.
