Италия чемпионатининг йигирма тўртинчи тури сенсация билан якунланди.
"Удинезе" "Ювентус"ни мағлуб этди. Жамоа устози Габриэле Чоффи учрашув натижаларидан мамнун ва барча футболчиларини мақтади:
"Йигитларнинг барчаси зўр. Биз қийин дамларни бошдан кечирдик ва бу ғалаба сабр-тоқатимизнинг муносиб мукофоти бўлди.
2015 йилдан бери Туринда ғалаба қозона олмаяпмиз. Биз чемпионлик даражасидаги футболчилар кўп бўлган жамоани мағлуб этдик", - дея Чоффининг сўзларини келтиради Juvenews.eu.
А сериянинг навбатдаги турида “Удинезе” ўз майдонида “Кальяри”ни қабул қилади.
