Italiya chempionatining yigirma to‘rtinchi turi sensasiya bilan yakunlandi.
"Udineze" "Yuventus"ni mag‘lub etdi. Jamoa ustozi Gabriele Choffi uchrashuv natijalaridan mamnun va barcha futbolchilarini maqtadi:
"Yigitlarning barchasi zo‘r. Biz qiyin damlarni boshdan kechirdik va bu g‘alaba sabr-toqatimizning munosib mukofoti bo‘ldi.
2015 yildan beri Turinda g‘alaba qozona olmayapmiz. Biz chempionlik darajasidagi futbolchilar ko‘p bo‘lgan jamoani mag‘lub etdik", - deya Choffining so‘zlarini keltiradi Juvenews.eu.
A seriyaning navbatdagi turida “Udineze” o‘z maydonida “Kalyari”ni qabul qiladi.
