"Манчестер Сити" кетма-кет 11-ғалабасини қўлга киритди.
Пеп Гвардиола шогирдлари Чемпионлар лигаси 1/8 финалининг илк учрашувида “Копенгаген”ни мағлуб этишди (3:1).
19 декабрдан бошлаб барча учрашувларда “шаҳарликлар” умумий 32:6 ҳисобида зафар қучди. Бу вақт ичида улар клублар ўртасидаги жаҳон чемпионати ғолибига айланишди ва Англия кубогининг 5-босқичига чиқишди.
Эслатиб ўтамиз, “Манчестер Сити” жорий Чемпионлар лигасидаги 7 учрашувнинг барчасида ғалаба қозонган.
17 февраль куни "шаҳарликлар" Англия чемпионати доирасида "Челси"ни қабул қилишади.
