Англиялик собиқ ҳужумчи Майкл Оуэн "Реал Мадрид" ҳужумчиси Винисиус Жуниорнинг даражасини баҳолади.
Бразилиялик футболчи бугун Чемпионлар лигаси доирасида "РБ Лейпциг"га қарши ўйинда "Лос Бланcос"нинг асосий таркибидан жой олди.
23 ёшли ҳужумчи Чемпионлар лигасидаги 50-ўйинини ўтказди - бу кўрсаткичга эришган энг ёш бешинчи футболчига айланди.
Оуэннинг сўзларига кўра, бугунги учрашувда айнан Винисиус асосий рол ўйнаган:
"Мен уни дунёнинг энг яхшиларидан бири деб биламан. Винисиус - жаҳон футболидаги барча жамоалар энг кўп ҳавас қиладиган ўйинчидир.
У рақибларида қўрқув уйғотади, сўнгги йилларда эса у анча яхшиланди", - деди Оуэн.
