Машҳур италиялик собиқ мураббий Фабио Капелло Карло Анчелотти ва Пеп Гвардиоланинг кучли томонлари ҳақида гапирди.
Сешанба куни мос равишда Анчелотти ва Гвардиола бошчилигидаги "Реал Мадрид" ва "Манчестер Сити" турнирнинг плей-офф босқичида ўз ўйинларини ўтказишди.
"Анчелотти футболчиларни ноодатий позицияда ўйнашга ишонтира олади. Агар ўйинчи бошқа ролда ўзининг энг яхши ўйинини кўрсатмаса ҳам, унга буни қилиш зарурлигини етказиш муҳим ва Анчелотти бу компонентда устундир.
У ҳар доим ҳам бир хил тизимдан фойдаланмайди, лекин футболчиларнинг сифатига таянади. Гвардиола, аксинча, узоқ вақтдан бери битта ёндашувдан фойдаланмоқда, бироқ яқинда у ривожланди - бу унга ўтган мавсумда Чемпионлар лигасида ғалаба қозониш имконини берди", - дея Капеллонинг сўзларидан иқтибос келтиради Football Italia.
