"Бавария" бош мураббийи Томас Тухель Чемпионлар лигаси 1/8 финалининг биринчи ўйинида "Лацио"дан учралган мағлубият (0:1) ҳақида фикр билдирди.
“Мағлубиятдан хафамиз ва ғазабдамиз. Учрашувда “Лацио” ғалаба қозонди деб айта олмайман. Аксинча, биз уни йўқотдик. Нима учун иккинчи бўлимда ишончни йўқотганимизни билмайман, лекин биз уни йўқотдик ва гол ўтказиб юбордик. Мен буни тушунтира олмайман. Танаффусда биз жамоага худди шундай шиддат билан ўйнашни ва янада дадилроқ олдинга интилишни буюрдик, аммо иккинчи бўлим бошланганда ўзимизни йўқотгандек бўлдик.
Биз устида ишлашимиз керак бўлган нарсалар бор. Биринчи бўлимда Жамол [Мусиала] билан бир қанча яхши ва битта катта имконият яратдик, аммо якунда дарвозага бирорта ҳам зарба йўлмади. Бундай статистика билан ўйинда ғалаба қозониб бўлмаслиги аниқ. Аммо бизни жавоб учрашуви кутиб турибди. Охирги натижани ҳисобга олсак, бизнинг истиқболимиз яхши кўринмаяпти, аммо биз қаттиқ ишлашда давом этамиз", - дея Тухель сўзларини келтиради УЕФА расмий сайти.
