"Манчестер Юнайтед" "Кристал Пэлас" вингери Майкл Олисени сотиб олишга ҳаракат қилади.

Аввалроқ турли инглиз нашрлари 22 ёшли футболчига “қизил иблислар” қизиқиш билдираётгани ҳақида хабар берган эди. Бу маълумотни нуфузли инсайдер Фабрицио Романо тасдиқлади: трансфер бўйича экспертнинг сўзларига кўра, "Манчестер Юнайтед" раҳбарияти аллақачон Олисе номзодини маъқуллаган. “Кристал Пэлас” ҳужумининг етакчиси манкунианликларнинг ёздаги нишонларидан бири бўлади.

Шу билан бирга, манба таъкидлаганидек, тез орада "Манчестер Юнайтед" спорт директори лавозимини эгаллайдиган Дэн Эшуортнинг бундай келишувга қандай муносабатда бўлиши ҳозирча номъалум.

Transfermarkt портали Майкл Олисенинг нархини 50 миллион еврога баҳоламоқда.