РФИ бош котиби Максим Митрофанов Россия ва Парагвай терма жамоалари ўртасида ўртоқлик ўйини ўтказиш бўйича қандай келишувга эришганлари ҳақида гапирди.
Россия - Парагвай учрашуви 25 март куни Москвадаги "ВТБ Арена"да («Динамо»нинг уй стадиони) бўлиб ўтиши ҳақида аввалроқ хабар берилганди.
“Камерун билан ўйиндан сўнг кўплаб футбол ассоциациялари Россия терма жамоаси билан ўртоқлик ўйинлари ўтказишга қизиқиш билдиришди.
Улар Россияда ўйин ўтказиш хавфсиз, шароит ва муҳит энг юқори даражада эканлигини кўришди", - дея Митрофановнинг сўзларини келтиради "РБ Спорт".