"Интер" ярим ҳимоячиси Николо Барелла қишда "Манчестер Сити"га ўтиш таклифини рад этди. Бу ҳақда Football Italia хабар бермоқда.
Манбага кўра, январь ойининг сўнгги ҳафтасида “шаҳарликлар” устози Пеп Гвардиола италиялик футболчи ҳақида суриштирув ўтказган, бироқ Барелла дарҳол унинг Англияга кўчиб ўтишга қизиқмаслигини маълум қилган. Бироз вақт ўтгач, 27 ёшли ярим ҳимоячи "Интер" раҳбариятини амалдаги шартномани узайтиришга тайёрлиги ҳақида маълум қилди.
Жорий мавсумда Барелла “Интер” сафида 31 та ўйинда майдонга тушиб, 2 та гол урди ва 5 та голли узатмани амалга оширди. Transfermarkt портали Италия терма жамоаси футболчисини 75 миллион еврога баҳоламоқда.