"Арсенал" бош мураббийи Микель Артета "ПСЖ" ҳужумчиси Килиан Мбаппенинг ўз жамоасига ўтиш имкониятларини баҳолади. Эслатиб ўтамиз, франциялик футболчи аввалроқ парижликлар раҳбариятига мавсум якунида эркин агент сифатида клубни албатта тарк этиши ҳақида маълум қилган эди.
"Бундай даражадаги футболчи ҳақида гап кетганда, биз доимо суҳбатда иштирок этишимиз керак. Бироқ, катта эҳтимол билан Килиан бошқа йўналишда ҳаракат қилади", деди Артета матбуот анжуманида.
Айни дамда Килианни трансфер қилиш фаворити бу футболчини қўлга киритишга анчадан бери уринаётган "Реал Мадрид". Мбаппе жорий мавсум Франция чемпионатида 19 та ўйинда 20 та гол урди.
