"Arsenal" bosh murabbiyi Mikel Arteta "PSJ" hujumchisi Kilian Mbappening o‘z jamoasiga o‘tish imkoniyatlarini baholadi. Eslatib o‘tamiz, fransiyalik futbolchi avvalroq parijliklar rahbariyatiga mavsum yakunida erkin agent sifatida klubni albatta tark etishi haqida ma’lum qilgan edi.
"Bunday darajadagi futbolchi haqida gap ketganda, biz doimo suhbatda ishtirok etishimiz kerak. Biroq, katta ehtimol bilan Kilian boshqa yo‘nalishda harakat qiladi", dedi Arteta matbuot anjumanida.
Ayni damda Kilianni transfer qilish favoriti bu futbolchini qo‘lga kiritishga anchadan beri urinayotgan "Real Madrid". Mbappe joriy mavsum Fransiya chempionatida 19 ta o‘yinda 20 ta gol urdi.
