"Барселона"нинг собиқ ҳимоячиси, ҳозирда "Лилл"да ўйнаётган Самуэль Умтити тиззасидаги навбатдаги жароҳати туфайли уни операция қилишга мажбур бўлганидан кейин фаолиятини якунлаш ҳақида ўйламоқда. Умтити деярли олти йилдан бери шу каби муаммолар билан курашиб келмоқда.
30 ёшли француз чоршанба куни операция қилинди ва "Лилль" бош мураббийи Пауло Фонсека футболчи жорий мавсумда майдонга қайтмаслиги мумкинлигини истисно этмади. Жорий мавсумда Умтити атиги 13та ўйин ўтказган, шундан 6таси тўлиқ.
AS нашри хабарига кўра, Умтити жароҳатлар билан курашишдан чарчаган ва фаолиятини якунлаш ҳақида жиддий ўйламоқда.
